غريبه طول غيابك اشوفك ناوي الهجران
أشوف الشوق في قلبك ذبل وماعاد يناديي لي
علامك ملتهي بدنياك وتاركني واناولهان
وش اللي حامله قلبك علي ارجوك صارحني
إذا دمعي نزل مني واذاصوتي ارتفع غلطان
واذا كلمتك بقسوه دخيلك ألتفت يمي
عاتبني وجادلني وقول انك بعد ندمان
على يوم جمعني فيك وصيح بوجهي واتركني
ابي اسمك للآخر ابي احس بك زعلان
ابي احس لي بقيمه بحياتك مو تجاهلني
دخيل الحب واهل الحب دخيل العالم الحيران
دخيل اللي سكن قلبك وابعدك عني
دخيل اللي اخذ عقلك وتفكيرك واناالتعبان
دخيل عيونك اللي عذبتني وغرتك عني
اناماابي من الدنيا وزينتها سواك انسان
اقول بصوتي المبحوح كفايه مارحل مني
ابيك باقي ايامي قبل لاانحط بالأكفان
هذاك الوقت ماادري من اللي ناشد عني
ولوانك تمنيت رجوعي لك بوسط الاحضان
اعرف الموت وجربته بيقدر يمنعك عني
اناماجيت ابين لك غلاك اللي بداخلي وش كان
لأنه يبقى إلين الوقت يعدمني
اناجيتك ابسأل سؤال حير العدوان
مدام اني انااحبك علامك ليه تعذبنيش